கொல் மை

என்னை கொல்வதற்கு உன்

பார்வை மட்டும் போதுமே

எதற்காக அதில் விஷம்

தடவுகிறாய்?..

கண்ணுக்கு மைபூசும்


தன் காதலியை பார்த்து காதல் எழுதிய கவிஞன்..

சுதனின்விஜி.


---

உண்மை விளம்பி

அரிச்சந்திர மகாராஜா,
இறங்கி வந்தார் பூமிக்கு.
வாங்கினார் ஒரு நோக்கியா.
கடையிலிருந்தே போட்டார் போன் சந்திரமதிக்கு;
“ஐ ஆம் இன் எ மீட்டிங்! திரும்பி வர லேட்டாகும்!”

சினிமா விரும்பி.

---

திரும்பி அழைக்கபட்ட தூதர்கள்:

அவளுக்கு நான் கொடுத்த பூக்கள் வீணாகவில்லை
இதோ மொத்தமாக கொண்டு வருகிறாள்
என் கல்லறைக்கு!.


---

கோப படுதல்

நீங்கள் உங்கள் உயிராய் நினைப்பவர்களிடம்
கோபத்தை காட்டாதிர்கள்!

ஏன் என்றால்?

உங்கள் எதிரி என்ன வார்த்தை சொன்னாலும் வாழ்நாள் முழுக்க வலிக்காது,

ஆனால் உங்கள் உயிரானவர்கள் காக்கும் மௌனம் வாழ்நாள் முழுக்க வலிக்கும்.


---

வெங்காய காதல்

அழ வைப்பது அவள் தான் என தெரிந்தும்
அடம் பிடிக்கிறது என் கண்கள்
அவளை தான் பார்க்க வேண்டுமென!.


---

பிரியம்

பிரிந்து இருந்து பிரியம் காட்ட வேண்டாம்,

அருகில் இருந்து சண்டை போடு போதும்.

---

மச்சமா?

உன் கன்னத்தில் இருப்பது மச்சமல்ல,
உலகின் அழகெல்லாம் இங்கு முடிகிறது
என்பதற்க்கான முற்றுப்புள்ளி

--கவி மாறன் (லொள்ளு சபாவின் தற்போதைய (Jan 2009) நாயகன் ).


---

பேசுவது பேசாமை

பேசினால் என்ன என்று நான் கேட்க,
பேசினால் தானா என்று நீ கேட்க,
கரைவது காலம் மட்டுமல்ல,
என் காதலும் தான்.


---

பாதையல்ல நான் :

என் வாழ்க்கையை விட்டு
விலகி செல்ல நான்
உன் பாதையல்ல
உன் பாதங்கள்!

மூலம் : சூப்பர் நாவெல்.
ஆசிரியர் : தெரியவில்லை.

---

தேவதாசின் வரிகள் 1:

அவள் முத்தம் கொடுத்து விட்டு போன இந்த கன்னத்தில்
வேறு யாரும் முத்தமிட கூடாது என்பதற்க்காக தான்
இந்த முள்வேலி, தாடி



---

காதல் ஓவியம்

நீ வரைந்த ஓவியத்தில் பேரழகாய் தெரிந்தது
ஓரத்தில் இருந்த உன் பெயர்

---

வாழ்வாதாரம்

ஒரு நாள் உனக்கும் எனக்கும் விவாதம் வந்தது ,
நீ கேட்டாய் உனக்கு நான் முக்கியமா , உன் வாழ்க்கை முக்கியமா என்று
நான் சொன்னேன் என் வாழ்க்கை தான் முக்கியம் என்று , அதற்கு நீ கோபித்து கொண்டு போய் விட்டாய் ,
என் வாழ்க்கையே நீ தான் என்பதை சொல்ல அவகாசம் தரவில்லை நீ எனக்கு


---

நீ, நான், நமது விதி :

நீ, நான், நமது விதி
மூவரும் வாழ்க்கை ஓட்டபந்தயத்தில்
ஓடி கொண்டிருக்கிறோம் ,
உன்னை வெற்றி பெற வைக்க நானும்,
என்னை வெற்றி பெற வைக்க நீயும்,
விட்டு கொடுத்து ஓடி கொண்டிருக்க,
நம்மை வென்றது விதி.


---

முக தரிசனம்:

நீ ஒரு முறை என்னை பார்க்க ,

ஆயிரம் முறை கண்ணாடியை பார்க்கிறேன்.


---

முதியோரின் இல்லம்:

முதியோர் இல்லத்தில் தான்
இருக்க வேண்டும்
"முதியோர் இல்லத்தில்" அல்ல!.


---

ராஜேஷ் குமார் பதில்

க்ரைம் நாவெல் இல் ஒரு கேள்வி க்கு திரு. ராஜேஷ் குமார் அவர்கள் கொடுத்த பதில்:

கே : ஒரு புதுக்கவிதை ப்ளீஸ்

ப : தன்னை எரித்து
தனக்கு ஒளி கொடுத்த
தீக்குச்சியை எண்ணி
அழுகிறதோ மெழுகுவர்த்தி ?



அடியேனுடைய ஒட்டு


அப்படி தானும் சோகத்தில்,
உடல் எரிந்து அழிந்து போகின்றதோ?




---

தாகம்

என் இறப்பிற்கு பின் என் தாகத்தை
தணிப்பது எது தெரியுமா
தண்ணீர் அல்ல ,
என் கல்லறை மீது நீ சிந்தும்
ஒரு துளி
கண்ணீர் தான்.


---

சேர்ந்திருத்தல்

நீ என்னை விட்டு பிரியும் போதெல்லாம்,
நான் தனியாக பேசிக்கொள்கிறேன்
என் நிழலுடன் அல்ல,
உன் நினைவுகளுடன்!!!



---

பிரிந்திருத்தல்

குமுதத்தில் எப்போதோ படித்தது

தொலைபேசியில் பேச்சென்ன பாடே பாடு,
கடிதத்தில் வரிகள் என்ன காப்பியமே எழுது,
எல்லாவற்றையும் அனுபவிக்கிறேன்,
ஆனால் நேரில் மட்டுமே வந்து விடாதே,
ஏன் என்றால் சந்தித்து விட்டு நீ கிளம்பும்
மற்றுமொரு பிரிவை என்னால் தாங்கவே முடியாது!!!...


---

கனவு

கருப்பு வெள்ளை
விழித்திரையில்,
கலர் கலராய்
கனவுகள்!


---